Nola erantzun zelaian jokalari lesionatu baten aurrean? IV

Kolpeak eta zartadurak

Amaitzeko sarrera honetan maizen ematen diren lesioei buruz hitz egingo dut. Kasu gehienetan beraien tratamendu arinak, ez du eragiten lesioaren sendatze arinagoa.

KOLPEAK

Kolpe bat tratatu baino lehen, aztertu behar da ia hezurren bat haustu duen jokalariak jaso duen kolpearen ondorioz.

Lehenengo ematen dena normalean, krioterapia da, hotzaren bidezko terapia. Honen bidez, gero emateko tratamendua errazten du eta gainera erraza da aplikazioaren orduan. Krioterapiaren helburua, hotzaren bidez lortzen den efektu analgesikoa, antiinflamatorioa, mioerlajatzailea eta estimulatzailea da.

Hotzaren aplikazioa metodo desberdinen bidez egin daiteke. Modu honena gelak izaten dira, baina beste moduak ere badaude, izotza zuzenean adibidez edota spray bereziak. Lesioa arina izan bada 2-3 aplikazio egunean nahikoa izaten da kolpea sendatzen laguntzeko.

ZARTADURAK

Zartadura bat deritzo giltzadura baten alterazio anatopatologiko eta kliniko bati, non mugimendu zakar baten ondorioz giltzaduraren gehiegizko mugimendu bat eman da.

Kolpeak bezala zartadurak mina sortzen dute. Eta modu erraz batean sailkatzen dira zartadurak arin eta larriak.

1. ·         Arinetan nahiz eta bihurdura eman den giltzadura sendo eta finko mantentzen da.
2.             Larrietan lotailuren bat apurtu egin da, apurketa hori osoa edo partziala izan daiteke.

Honen tratamenduan ere, hasiera batean hotza aplikatzen da, geroago zartadura arinetan bendaje bat jartzen da; zartadura larria izanez gero, bendaje barru-bigun bat jartzen da eta ospitalera eramaten da lesionatua; bertan aztertuko dute lotailua zer neurritan apurtu egin den; guztiz apurtu egin bada kirurgia egin behar da, bestela eskayola bat nahiikoa izango da.