Nola erantzun zelaian jokalari lesionatu baten aurrean? II

Traumatismo kranealak

Nahiz eta ez izan oso arruntak, ez dira alde batera utzi behar duten garrantziarengatik. Ezagutzen dira kasuak baseball jokalariak hil egin direla buruan jaso duten kolpearen ondorioz.

Kolpe hauek pilotakada baten ondorioa izan daiteke, 47 m/s=168km/h abiadura eramatera heldu daiteke pilota eta oso gogorra da, beraz arriskutsua izan daiteke. Baita beste jokalari batekin elkar jo ondoren eta horma baten aurka jo ondoren ere eman daitezke buruan kolpeak. Hauen aurrean eman beharreko erantzunak:

1)          Jokalariak konortea galtzen ez badu: Partidutik kendu beharko da jokalaria eta etzanda jarriko da hankak goian mantenduz, horrela hobea izango da buruko irrigazioa. Kolpea indar handikoa izan bada, zenbait egun mantendu beharko da kirola egin gabe, denbora tarte horretan buruko min bizia, botaka egiteko gogoak, ikuspen iluna, … baldin baditu medikuarenera eraman beharko da.

2)          Konortea galdu egin badu: Kirolaria eraman beharko da ospitalera, beraz anbulantzia etorri  beharko da zelaira. Heltzen den bitartean, zenbait gauza aztertu beharko dira, hala nola: pultsua daukan eta arnasa hartzen duen.

a.       Baldin baditu, jokalaria decubito lateral, hau da alboz eta etzanda jarriko diogu anbulantzia datorren bitartean.

b.      Hauek falta badira, masaje kardiorespiratorioa egingo zaio. Mantendu egingo da maniobra anbulantzia heldu arte.

  Lesionatuaren garraioa ohatila baten bidez egin behar da, eta arrazoi gehiagorekin buruko kolpeetan. Anbulantziaren falta badin badago, eraman behar den kotxea saiatu behar da handia izatea hobeto eramateko. Lesioa arina baldin bada eserita eraman daiteke ospitalera. Bestela etzanda eraman beharko da, decubito lateral da postura onena.